لا واهـنـي اللـي رصـيـده مـلايـيـن - سـلـيـمـان الـهـويـدي

لا واهني الـي رصيـده ملاييـن 000 و امضاه فـي راس القلـم يقبلونـه

وبواخره تمشـي بكـل البلاديـن 000 و مصادره من كـل شكـلٍ نمونـه

وعنده عيالٍ صالحيـن ورشيديـن 000 لا غـاب والدهـم هـم يمثلونـه

بيته يعانق شاهقـات الضلاعيـن 000 تلقى الحمام مبيـضٍ فـي ركونـه

وديوانه اكبـر مابنـى بالدواويـن 000 مفتوحٍ واجـواد العـرب يدلونـه

فيه الخـدم متكامليـن ومطيعيـن 000 من جـاء لهالديـوان بيباشرونـه

ولا صارت الريضان مثل البساتين 000 ماطاب مـن ريضانهـا ينزلونـه

تلقى الخزاما والنفـل والرياحيـن 000 تطرب له الورقه وتزعـج فنونـه

مع لابةٍ تنطـح وجيـه الشياطيـن 000 عـزٍ لهـم وهـم يتفـادون دونـه

هذي الحياة الي لها النـاس شفقيـن 000 من غر منها يـا حيـاة المهونـه

اشوى من الي ياخذ الديـن بالديـن 000 وطّلابتـه راس الشهـر يبلشونـه

ومع الفقر عنده بـزور ونساويـن 000 يبـون حاجتهـم ولا يعـذرونـه

يقضي معاشه مامضى الشهر يومين 000 الفقـر شيبّـه وشيـب عيـونـه

عايش ولكن عيشة الفقـر مسكيـن 000 كنّه مصخن وهو مابـه صخونـه

يا الله ياقابـل صـلاة المصليـن 000 انـك تقـوم بعوننـا ثـم عونـه

للمرحوم الشاعر سليمان الهويدي

:)